Pirata Ba Kamo?

Company Christmas party. Ang theme ay Hollywood movies. Pipili ng isang movie ang bawat team at yun ang gagayahin nila. Ang pinili ng teammates ko eh Pirates of the Caribbean. Kahit daw hindi na magaya yung characters basta dapat naka pirata kami.

Bilang tamad akong maghanap ng costume at bilang wala akong kahit konting creativity sa katawan, nagpatulong ako sa mga tao para makabuo ng get-up. May mga mabubuting loob naman na tumulong sa akin at nagpahiram ng mga gamit. I-improvise na lang daw namin.

Una, sabi ng housemate ko, pwede na daw ang leather shoes. So hinanap ko tong sapatos ko na huli kong nakita nung graduation nung April.

Binilhan ako ni Honey, ang best friend ko sa team ng corduroy na jacket nung nag ukay ukay siya. Nagjajacket daw ang mga pirata, tapos eto binili niya para pwede ko din daw gamiting pang-opisina.

Kelangan daw ng maluwag na pants. Eh ang kaso, puro sakto lang sakin lahat ng pants ko. So pinahiram ako ng housemate ko ng slacks na maluwag.

Dinalhan ako ng team lead namin ng scarf. Hindi ko to alam, pero sabi niya nagsscarf daw ang mga pirata.

Camisa de chino ng boyfriend ni Honey, pinahiram niya sakin. Naka white na top daw ang mga pirata.

Hindi ko alam kung ano ang inimagine nilang magiging itsura ko dapat. Nag attempt din naman akong magpatulong kina Honey at sa team lead namin nung nagbibihis ako. Kaso, eto ang kinalabasan ko:

picture removed

Kami yan ni Honey. Nung nakita nila ako, sabi nila nakakatuwa daw ako tingnan kaya wag ko na lang daw baguhin. Kunwari daw ako yung Koreanong kinidnap nila.